සැප්තැම්බරය නිමාවීමත් සමග අපේ රටේ සාහිත්‍ය පිළිබඳ කතිකාවන්ද නිවීගිය සේය. ඊළඟ වසරේ සැප්තැම්බරය වන තුරු මෙරට සාහිත්‍ය කතිකාවට නිවාඩුය. එහෙත් නිවාඩු නොලබා සාහිත්‍යය වෙනුවෙන් නිහඬ මෙහෙවරක් ඉටු කරන පිරිසක් වෙසෙති. ඔවුහු සිය මෙහෙවර වෙනුවෙන් කිසි කලෙකත් අැගයුම් සම්මාන උපහාර නොලබති. ඔවුන් නිහඬව කළ මෙහෙවරේ ප්‍රතිඵල සමාජය වෙත ලැබෙන විට ඔවුහු බොහෝ විට ජීවතුන් අතර පවා නොවෙති. මේ සුවිශේෂ පිරිස කවුරුන්ද? ඔවුහු නම් මිත්තණියන් හෙවත් අත්තම්මාවරුය.
